أخبار عاجلة
بعنوان ( حبيتك) من ديوانى الرابع ( حب سينا )
بعنوان ( حبيتك) من ديوانى الرابع ( حب سينا )

بعنوان ( حبيتك) من ديوانى الرابع ( حب سينا )

 
حبيتك آه
ومنعت نفسي عنك
وعشقت الآه
دي كانت خارجه منك
ولا يوم طمنتني إنك
حاضن الأمل ده حته منك
وصبرت سنين علي هجرك
ولا يهمك
ما قولت لي كنت ابوك وامك
بان الخداع بسهم طار منك
قطع شرايين الود
وسال دمك
وأنا أبكي
وأنا أصرخ
وأشيل عنك
وانت فين
ما كل ده منك
وانت ايه
عايش غصب عنك
ما قررت يوم اني ليك
وإني بيك
ولا استغني عنك
حبيتك اه
حبيتك اه
ومنعت نفسي عنك
وقلت اجاريك
واشوف رد الفعل منك
لقيتك موش عند حسن ظني
وكل ثانيه بتمر بتأ لمني
اصلك نسيت انك مني
وكل يوم بتقتلني
ياناسي حب كان غالي
يا احلي قدر مقدر عالي
فرشت لك قلوعي
وموالي
وقلت لي راجع وعلي بالي
قطع الامل بنا السكك
موش طايله ايدي تمسكك
راجع بواحده تملكك
مسنود عليها في دنيتك
ونسيت دي هيه ذلتك
مقدرش أجاري خدعتك
حبيتك آه
ومنعت نفسي عنك
وعشقت الآه
دى كانت خارجه منك
حبيتك
قصيدة للشاعرة و الأديبة المصرية / سوسن حامد سليمان
 

 

اضف رد