أخبار عاجلة
" أمى " بقلم احمد رجب النمر

" أمى " بقلم احمد رجب النمر

" أمى "

بقلم احمد رجب النمر

هى أمى ... أيوة أمى
قلب دافى و حضن شافى
نبع صافى م الحنان
هى دايما حاسة ألمى
روحها عايشة جوة دمى
حتى من غير أى كلمة
هى دايما شايلة همى
أصل أمى دنيتى
بألقى وياها الأمان

لو ف مرة كنت غايب
أى مدة عنَّها **
كات تحوشلى برضه نايب
أو نصيب من أكلها
حتى لو كات عيش بملح
برضه عاشق طبخها
أصل ريحة طبخ أمى
كان يجوع منها الجيران

هى جوة قلبى ملكة
عايشة وسط الناس كـ هانم
ذوق و شيك و كمان طعامة
و اسم أمى الغالية هانم
هى حلوة و روحها حلوة
جوة قلبى أحلى غنوة
صعب تتكرر كمان

هى أمى أيوة أمى
ساكنه روحي ساكنة قلبي
مهما ثارت مهما غضبت
برضه ترجع تانى جنبي
بافتكرها فى صلاتى
و ادعى ليها بحفظ ربي
تبقى دايما نور حياتى
تبقى ليا صمام أمان

ماشى ف الدنيا بدعاها
طالب الجنة برضاها
مهما جيت أو حتى رحت
برضه متغطى بسماها
هى أغلى حاجة عندى
بـانسى وياها الزمان
اصل امى
قلب دافى و حضن شافى
نبع صافى م الحنان

...................................

د . احمد رجب النمر

 

اضف رد