أخبار عاجلة
باقيلي منك بقلم / مصطفى عبد المنعم  جريدة أدباء ومواهب
باقيلي منك بقلم / مصطفى عبد المنعم جريدة أدباء ومواهب

باقيلي منك بقلم / مصطفى عبد المنعم جريدة أدباء ومواهب

باقيلي منك

...............

باقيلي منك
صورة بس وكام جواب
على كام قصيدة ف الغزل
مع الف غيرهم ف العذاب
مع قلب مرسوم ع الشجر
مع وردة نشفت م الدموع جوه الكتاب

باقيلي منك
لمسه محسوسة ف خيالي
ولما افتح
الاقي دمعة .. مكتوبالي
والاقي غربة ف حضن خوف
وحلم متساب .. للظروف
والاقي شوقي بيحتضر
وفي سكرته بيصرخ تعالي

باقيلي منك وعد منتظر الحياة
لما بإرادتك ترجعي وتداوي كل المجروحين
قلبي وغرامي والأمل
وجرحي نفسه اللي اتجرح بفراق حزين

لما القدر فرق مابين قلبين عذارى
وودى واحد للعذاب باسم النصيب
وخلى واحد ... في الجراح
يبكي ... ويدعي ... للحبيب

وينام ويصحى ع الأمل
محبوس ف سلسلة العذاب
من ناحية فيها ضحكتك
والتانية آية م الكتاب
حالفة عليه راح ترجعي
لو شفتي ميت مليون عذاب

باقيلي منك
صورة بس وكام جواب
. . . . . . . . . .
مصطفى عبد المنعم

 

اضف رد