أخبار عاجلة
شد حيلك بقلم / طه ابراهيم  جريدة أدباء و مواهب
شد حيلك بقلم / طه ابراهيم جريدة أدباء و مواهب

شد حيلك بقلم / طه ابراهيم جريدة أدباء و مواهب

 شد حيلك

****

ياللي بتقضيها نوم
شد حيلك يلا قوم
قوم وصلي ركعتين
ذكر طبعا كل يوم
ذكر لله الحميد
يشفي قلبك م الهموم
ذكر ربك فيه شفاء
ينفعك وقت اللزوم
قوم وصلي للإله
الشيطان عمال يحوم
اللي قافل قلبه دايما
عامله مخزن للسموم
تلقي فيه كل البلاوي
قلب أسود ع العموم
القلوب زي الحديد
ينتشر فيها البروم
تبقي مأوي للأفاعي
تمتلأ غربان وبوم
تبقي مرتع للذئاب
تبقي عُرضه للهجوم
واللي غرقان ف المعاصي
تفتكر أزي يعوم
يبقي حالهُ كله ضنك
فوق دماغه كوم هموم
لو يفكر ف الخلاص
لو يصلي لو يصوم
لو يجدد ف النوايا
تنتهي كل الغيوم
قلبه يصفي للإله
عينه تسرح ف النجوم
والصلاح طبعا .. يزيد
والمعاني .... و ..... العلوم
شد حيلك يلا قوم
دا الكسل مالوش لزوم
ليه تفرط ف الصلاه
ليه تزود ف الخصوم
الشيطان يا عمي شاطر
يرمِي ف النار والحموم
والنهاية تبقي نار
فِرّ منها كل يوم
أوعي لا الشيطان يخونك
هو ليل ونهار يحوم
لو تصلي لو تصوم
تحرقه لو عاد هجوم
*****

بقلم / طه ابراهيم 

اضف رد