مرفوعة راسك / بقلم عصام سيد محمود السنان
مرفوعة راسك / بقلم عصام سيد محمود السنان

مرفوعة راسك / بقلم عصام سيد محمود السنان

( مرفوعة راسك )

يا غالية ومهــرك من الرجال ملاييــــن

وكل شبر فيكــــي ينحسب فداديـــــن

يا أم العيون السود زيك وزيك فيــــــــن

اتباهي واتعايقــي دا الفل والياسميـن

من عطرك غـاروا وادّاروا في البساتيـن

ونيلك ما فرَّق يـوم بين حنَّا ولا ياسين

الله عليكي يا عالية مرفوعة دي راسك

بدر السما ونجــومه دول هما حراســك

مذكورة فــ القرآن ومباركة فـ الأنجيل والصدق إحساسك

وإن هد فيكي الزمن يبنوا قوام ناســـــــك

العفة دي طبعـــك والحسن أساســـــــــك

بين الدول انتــــي مـــا حد يوم داســـــــك

واللي يفكَّر يهينك ندوسه بمداســـــــــــك

واللي يفكَّر يهينك ندوسه بمداســـــــــــك

بقلم عصام سيد محمود السنان

 

اضف رد