أخبار عاجلة
أبويا قصيدة للشاعرة الأديبة المصرية / سوسن حامد سليمان
أبويا قصيدة للشاعرة الأديبة المصرية / سوسن حامد سليمان

أبويا قصيدة للشاعرة الأديبة المصرية / سوسن حامد سليمان

أبويا
قصيدة للشاعرة الأديبة المصرية / سوسن حامد سليمان

 

أبويا


أبويا ليه ناسيينك


كتبوا كتير عن الأم


علشان شالت الهم


و نسيوا يكرموك


ما أنت يا أبويا شريك


أمى دى أيد


و أنت بإيد


و مِـشيت الدنيا


بكل تنهيد


ينسوا إزاى فضلك


ينسوا إزاى كرمك


ينسوا إزاى حبك


و شقاك


تعبت كتيييير


ولا بننساك


مفارقنا زمان


و بنحن ليك


و بندعيلك


الله يجازيك


كل الخير


من كل الخير


اللى زرعته


جوه فى أراضيك


أبويا


أبويا حبيبى


مشتاق ليك


كنت أتمنى يطُول عمرك


و تكون جنبى


محتاج ليك


صحيح أمى معايا


و هى رضايا


بس وجودك


بأحلم بيك


بأدعى لربى


ينور قبرك


محروم منك


واحشنى كتيييييييير


كل سنه و انت الغالى


كل سنه


ولا زيك يا أبويا


يحس بحالى


يا أبويا


قصيدة للشاعرة الأديبة المصرية / سوسن حامد سليمان


بعنوان أبويا من ديوانى السادس حبك كفايه


مسجلة و منشورة وجميع حقوق النشر محفوظة

 

اضف رد