فحجرة الميعاد بقلم ادريس جبيلو المغرب
فحجرة الميعاد بقلم ادريس جبيلو المغرب

فحجرة الميعاد بقلم ادريس جبيلو المغرب

فحجرة الميعاد

خطوات قدامي وبعدات
تلفتت وراها
شافت فيا وسهات
شافتني حمل فقفاها
غرتني ومشات
والعقل اداتو مهاها

وعلاش يازهرة
فوحتي فمراحي
علمتيني نضم الكلام
عطتيني التمرة
حتى بان وضاحي
ونعيش نحلم بالاوهام

وبال ماهو على بال
وبال ماشي كي البال
وبال طاعون ؤوبال
وبال عند الاشبال
نضم سطور ف مقال
بال جدبة وشويان الكبال

ياديك لالة اااااااح
علاش سكنتي العلالي
وانا مقزب الجناح
مررتي الدفالي
زايداني نواح بجراح
يالالة فيا آش تسالي

انا والهم تلاقينا
وخرخر ما(ء) الواد
تحاكينا وتشاكينا
فمحراب الجواد
والناي بكى لينا
فحجرة الميعاد

الطريق غريبة
فداك الدريبة
منها للدرديبة
لعند ولد الديبة
والمعنى كانت قريبة
فبولة الكلب فالشيبة

يالالة يالساكنة القصر
سوالفك فمراية النضر
ضفيرة بلون العنبر
فوق الكتاف تتمختر
زهوانية فالمهجر
دهبية عند الفجر

تسطي اللي مايتسطى
وتهول مول المطة
بهواك اندليت قطة
مانخبش بطة
ماندير غلطة
مانزلگ فعفطة

مالك ياهاد المراة
قويتي فحبوب الدرة
والقبيلة مبدرة
كلها مبندرة
الفام معكرة
والكساوي مزيرة

البركان فالجبل
دخانه اهبل
وفيضان مهبل
فسهول الدل
زهور تدبل
يتسناها المحمل

فجنانات العاطي
انا علاش نطاطي
نقلب ع المشاطي
وانا قرع ملاطي
نهنتل ما نواطي
برجلي وبزلاطي

بقلم ادريس جبيلو
المغرب

 

اضف رد