عجينه بقلمى الأديبة المصرية / سوسن حامد سليمان
عجينه بقلمى الأديبة المصرية / سوسن حامد سليمان

عجينه بقلمى الأديبة المصرية / سوسن حامد سليمان

عجينه
بقلمى الأديبة المصرية / سوسن حامد سليمان
عجينه
كانت فى إديهم عجينه
وهى البنت المسكينه
مره مُرضعه
و مره مُبدعه
و مره بديعه
ومره مذيعه
وممكن دكتوره
وبعد التشاور لعبة الكوره
و هاتوصلى فى إديهم لفين
ياحسرة قلبى إنت مرميه
حتة قماشه وقذره
ومالكيش ديه
بس إنت اللى إختارتى
السكه ديه
قررتى تكبرى و تتكبرى
ونسيتى سمعتك يا صبيه
لفوا عليك الحراميه
والنصابين
و نادورجيه
وعملوا منك تمثال
و صوره عريانه
و مراكبيه
حتة عجينه
كانت بتتمسكن
و عملت مسكينه
و ضاعت مابين
رِجلين
وراجلين
و يمكن أكتر
آه يا صبيه
سكة شمال
وبقت ليك
السكة ديه
مرسومه عليك
بالتحديد
و إنتِ اللى هيه
ما إنت إختارتِ
و إنتِ اللى خسرتِ
و ما تقوليش فلوس
ومكسب
خسارتك خسارة كنوز
و فـِكرك كان غلط
و موش هوه دا الفوز
جريتِ كتير
ولفيتِ الكره الارضيه
حافيه
و الشهره موش بالعافيه
يا خساره
يا دكتوره
ياللى اللقب بس
و إنتِ أكيد توره
و هاتفوقِ إمتى
و لما تفوقى
هاتعملى ثوره
و موش هتلاقى
جنبك حد
دإنتِ إنتهيتِ
و كات فوره
وكل ده
لأنك عجينه
ياسهله
م الأول
و موش مسكينه
عجينه
بقلمى الاديبة المصرية / سوسن حامد سليمان
مسجله و جميع حقوق الطبع و النشر محفوظة

اضف رد