أخبار عاجلة
أشياء كتير رخصت  كلماتى الأديبة المصرية / سوسن حامد سليمان
أشياء كتير رخصت كلماتى الأديبة المصرية / سوسن حامد سليمان

أشياء كتير رخصت كلماتى الأديبة المصرية / سوسن حامد سليمان

أشياء كتير رخصت 
كلماتى الأديبة المصرية / سوسن حامد سليمان 
أشياء كتير رخصت 
لكن مازال فيه غالى 
فى شات و فى رسالات 
و الكل بات مشغول 
عن بيته و أسرته 
و أهم ألامور 
أسر خلاص ضاعت 
متفككه 
و متلككه
تبيع بالغالى رخيص 
و اللحم أصبح بالكوم
واحد فى إيديه ميت ست
و البت و يا الراجل
و معاها ميت راجل
و خلاص مهزله
حابل و معاه نابل
و إيه جرا فى الكون
حزينه عليك يا صديقى
ياللى كنت مصون
و تصون
و أمين على نفسك
و على مين تعرفه 
و بيتك 
لكن يا خساره
و ألف خساره 
باظوا الرجاله
و تلفوا 
ما الستات 
مرترطه
بالكوم من كل البلاد
و عروض و إشتغالات
و ببلاش فى الأول
و تتمسكن
و تسرق زوج صحبتها
و تقول عليه مسكين
و هو قاطع النفس
أصلا و خربان 
لكن زوجته الشريفه 
غطت عليه
و لا خلته عريان
جات الملعونه و أخدته
و خطفته علشان فلوسه
الخايب 
الخلبوص
راجل مالوش أمان
باع الجوهره
بالبوص 
شاف البضاعه 
معروضه ع الشات
و أغرته كل الستات
قال إيه دى ست 
بتنور
و دى بيضه 
و دى قشطه
ولما قرب و شافها
إتكهرب
م الخضه
و من قرفها
و من ريحتها
كانت معاك مراتك شريفه 
و عفيفه
و صابره عليك
و على بيتها
خربت إنت البيت
و ضيعت ولادك 
و نسيتها
و أنت أصلا ضايع
و جربت كتير و صايع 
يا و يا خيبتها
بص الشمال موجود
و اليمين موجود
و كل شىء له حدود
و الفاسد فاسد
من يومه
ماتقولش نت 
و فيس
و انستجرام
كل الفساد كان موجود
من أيام جدى لكن بحدود
انت اللى عايزه 
حتلاقيه 
غض البصر
لو عايز 
و لا تسأل فيه
شغال تحب ليل نهار
و ع النت من قبل الفطار
و نسيت تصلى
و نسيت دينك 
و نسيت تقرأ القرآن
أو تتصفح إنجيلك
هو الشيطان الملعون
خرب البيوت
و قاعد مبسوط
و عامل فرعون
الله يحرقه 
قاعد بيشوط
فى كل الناس
و خاربها من تحت بيوت
فوقى يا ست 
إنتى و هي
و أوعى لجوزك
و شوفيه 
وحاسبيه
و ناقشيه
و إلزقى جنبه
و تابعيه
و شوفيه تايه فين
و مع مين 
و أنتى موجوده و ملغيه
و الحب كله للملاغيه
عريانه بتكلمه 
و فيديو 
على الفيس و ع النت
و فى الرسائل 
ولا إ نتى إيه يا هفيه
شوفيه 
و إسمعيه 
و راقبيه 
و أأقرفيه
و طلعى عينيه
بيكلم مين
بيتصل بمين 
و من أى بلد بتلاعبه الشيطانه
الملعونه
و إياكى تسيبيه
ولا تسيبيها 
تسرق جوزك 
و حاسبيه و حاسبيها 
خدى حقك كامل
زى ما تحبى 
و فكرى
و شوف ايه المصايب
دى و من أى داهيه جايه
بصى موش حا أقول 
كل الرجاله خاينين
لكن تسعين فى الميه
معلقين
و بيحبوا ميت واحده 
مره واحده
و بايظين
فتحى عنيكى
و إتعلمى كمبيوتر 
و شات 
و فيس 
و خدى كل الملاحظات
و إلزقى جنبه فى كل مكان
لا تخليه يختلى بنفسه فى أى مكان 
إلزقى فى وشه زى الدبان
و انتى نايمه
تابعيه
طلعى عنيه
وأعميه
علشان يبطل يحب عليكى
و يعلق غيرك
و يرميكى 
بعد ما أكلك لحم و لا سائل فيكى
من كل الأوطان
لحم رخيص و ببلاش 
و آخر مسخره 
و مهزله 
ولا ترضى حد 
ولا سبت
و لازم إحنا الستات 
نشوف لنا حد
و نقضى ع القرف دا بالذات
بوضع حل و حد
رجالتنا بتتسرق مننا 
و إحنا فى غفله كلنا
بصراحة قرفتونا 
يا خاينين
يا ملعونين 
و إحنا عليكم صابرين
و كل دا لحم رخص 
و عرى
أشياء كتير رخصت لكن 
مازل فى غالى
و الغالى عمره ما يرخص 
الغالى للغالى
أشياء كتر رخصت
كلماتى الأديبة المصرية / سوسن حامد سليمان 
بتاريخ الثلاثاء الموافق 25/9/2019

اضف رد